Policia e Kosovës ka arrestuar një person të dyshuar për kultvimin e bimëve narkotike në një fshat të Kaqanikut.

Sipas policisë, gjatë një aksioni policor të zhvilluar sot në fshatin Soponicë – Kaçanik, respektivisht në dy shtëpi të dyshuarit gjatë kontrollit janë gjetur provat materiale si në vijim:

-katër bimë të llojit kanabis sativa të gjatësisë rreth 20 cm.
–substancë e dyshuar narkotike e llojit marihuanë e vendosur në kavanoz xhami me peshë neto 10.6 gram,
-80 copë qese najloni të zbrazëta,
-një pako me rizlla (letër për mbështjellje të marihuanës),
-një qese najloni me substancë të dyshuar narkotike të llojit marihuanë me peshë 17.2 gram,
-një thes najloni me substancë të dyshuar narkotike e llojit marihuanë me peshë neto 486 gram,
– substancë e dyshuar narkotike e llojit marihuanë e vendosur në kavanoz xhami me peshë neto 89.4 gram
– një qese najloni me substancë të dyshuar narkotike të llojit marihuanë me peshë 10.2 gram,
-substancë e dyshuar narkotike e llojit marihuanë me peshë 10.75 gram ( e vendosur ne shishe plastike,
-një thikë.

I dyshuari është ndaluar për 48 orë.

“Lidhur me rastin pas përfundimit të kontrollit është kontaktuar prokurori kompetent i cili është njoftuar lidhur me veprimet e ndërmarra policore në teren, ku me autorizim të të cilit i dyshuari pas intervistimit ndalohet për 48 orë.”, thuhet në njoftim./Arbresh.info/